Këshilli i Sigurimit i Kombeve të Bashkuara është duke pritur që Shtetet e Bashkuara dhe Rusia të tejkalojnë dallimet për statusin e ardhshëm të Kosovës. Sipas ambasadorit të Kinës në Këshillin e Sigurimit, Uang Guangya, në takimin e fundit ndërmjet presidentit Bush dhe atij Putin nuk u arritën përparime, sic shpresonin diplomatët. Ambasadori kinez, i cili kryeson Këshillin e Sigurimit tha se dy vendet kanë mbetur të ndara në këtë çështje. "Nuk jam i sigurt nëse ata kanë zbutur dallimet. Kina vetëm mund të deklarohet se pozicionet e të dyja palëve janë ende të ndara. Nëse ata gjejnë një formule ne mund t'i bashkohemi" ka thënë Uang.
