Në raportin vjetor të Departamentit amerikan të shtetit për liritë fetare thuhet se ato janë përkeqësuar dukshëm në Irak, ndërsa janë kritikuar edhe Irani, Koreja Veriore dhe Kina. Në këtë raport, që u publikua mbrëmë, thuhet se në Kosovë respektimi i lirive fetare nga ana e qeverisë ka shënuar avancim. Poashtu theksohet se dhuna është margjinalizuar por, sipas raportit, tensionet ndërmjet bashkësive mbeten të larta.
