Ndërlidhjet

KARAÇI


Të paktën 130 njerëz kanë humbur jetën dhe rreth 300 të tjerë janë plagosur, në një sulm vetëvrasës ndaj autokolonës, me të cilën udhëtonte ish-kryeministrja e Pakistanit, Benazir Bhutto. Zyrtarët thanë se Bhutto shpëtoi pa lëndime në sulmin e mbrëmshëm, në qytetin jugor pakistanez, Karaçi. Sulmi ndodhi teksa autokolona, me të cilën udhëtonte Bhutto, merrte pjesë në ceremoninë e mirëseardhjes në rrugët e Karaçit, disa orë pasi mbërriti në Pakistan pas 8 vjetësh në ekzil. Presidenti i Pakistanit, Pervez Musharaf, e ka quajtur sulmin "komplot kundër demokracisë", ndërsa Shtetet e Bashkuara thanë se sulmi synonte të "ngulfasë lirinë". Sulmi është dënuar edhe nga Kombet e Bashkuara, Bashkimi Evropian, Australia, India, Rusia dhe Afganistani.
XS
SM
MD
LG