Sekretari amerikan i Mbrojtjes, Robert Gates, u bëri thirrje vendeve anëtare të NATO-s, të jenë të gatshme për zhvillimet e mundshme në Kosovë. "U bëj thirrje të gjitha vendeve që t'i mbajnë forcat e tyre në kuadër të KFOR-it, pa marrë parasysh se çfarë do të ndodhë pas 10 dhjetorit. Ne i japim shans Treshes, por jemi realistë", u tha Gates ministrave të Mbrojtjes të Evropës Juglindore, në takimin në Kiev.
