Presidenti i Iranit, Mahmud Ahmadinejad tha sot se ky vend tash ka 3 mijë centrifuga, në funksion të plotë, në programin e tij kundërthënës të pasurimit të uraniumit. Kjo deklaratë e tij para mijëra njerëzve në vendin Birjand në Iranin lindor, paraqet deklaratën e parë zyrtare të tij për operacionin e centrifugave, që përdoren për pasurimin e uraniumit. Ky proces mund të prodhojë karburant për reaktorin atomik ose material për armatim bërthamor.
