Shqipëria ka të ngjarë që zgjidhjen e problemit të furnizimit me energji elektrike ta kërkojë në ngritjen e një centrali bërthamor, ka deklaruar sot kryeministri i Shqipërisë, Sali Berisha. Sipas Berishës, tashmë zyrtarët e lartë kanë kontaktuar ekspertët, për të marrë këshilla me qëllim të fillimit të një projekti të tillë. "Qëllimi ynë kryesor është që ta bëjmë Shqipërinë prodhues kryesor të energjisë në rajon", ka thënë Berisha.
