Zyrtarë irakianë kanë bërë të ditur se helikopterë ushtarakë të Turqisë kanë bombarduar sot një fshat në brendinë e Irakut, të dyshuar si bazë e rebelëve kurdë. Sipas zyrtarëve, nga ky sulm nuk ka pësuar askush, pasi që banorët më herët e kishin braktisur fshatin. Në anën tjetër, autoritetet në provincën gjysmë-autonome kurde kanë hedhur poshtë pohimet për bombardimin e fshatit.
