Koalicioni i udhëhequr nga Shtetet e Bashkuara njoftoi se forcat e tij kanë vrarë 23 militantë talibanë të dyshuar gjatë një operacioni të kërkimit të armatimit në jug të Afganistanit. Gjatë këtij aksioni në Garmser të prvincës Helmand, janë arrestuar edhe 11 të dyshuar të tjerë. Njëherësh, në provincën qendrore Ghor, mbrëmë janë vrarë së paku katër policë nga persona të armatosur. Poashtu nga ky incident, pesë janë plagosur, ndërsa disa policë të tjerë konsiderohen të zhdukur.
