Ambasadori britanik në Rusi, Tony Brenton thotë se është për keqardhje që i dyshuari kryesor për vrasjen me helmim të ish oficerit rus, Aleksander Litvinenko në Londër, vitin e kaluar, është zgjedhur anëtar i Parlamentit të Rusisë në zgjedhjet e mbajtura më 2 dhjetor. Policia britanike ka akuzuar zotin Andrej Lugovoj për vrasjen e Litvinenkos, por Rusia ka refuzuar që ta dorëzojë atë tek autoritetet britanike.
