Sekretarja amerikane e shtetit, Condoleezza Rice, ka fituar mbështetjen e aleatëve evropianë për presionin e vazhdueshëm ndaj Iranit mbi planin e tij bërthamor. Ministri i punëve të jashtme të Belgjikës, Karel De Gucht, tha se ministrat e Bashkimit Evropian dhe NATO janë dakorduar dje se nuk ka arsye për ndryshimin e pozicioneve të tyre të kërcënimit kundër Iranit, pavarësisht nga raporti i kunderzbulimit amerikan, i cili këtë javë tha se Irani më nuk bën përpjekje të ndërtojë bombë bërthamore.
