Më shumë se 50 luftëtarë talibanë, të arratisur nga jugu i Afganistanit, janë vrarë gjatë përpjekjeve për të sulmuar një qendër qeveritare. Ministria e mbrojtjes tha se në luftimet në Sangin të provincës Helmand kanë marrë pjesë ushtarët afganë të mbështetur nga forcat ajrore të NATO-s. Vendi Sangin është afër vendbanimit Musa Qala, nga i cili këtë javë janë larguar luftëtarët talibanë, pas ofensivës nga forcat afgane, britanike dhe amerikane.
