Zyrtarët e lartë të 10 vendeve të Mesdheut, që janë anëtare të Bashkimit Evropian, janë tubuar sot në një konferencë dyditëshe për të diskutuar për statusin e Kosovës, për Lindjen e Mesme dhe për imigrimin ilegal. Agjencia Associated Press raporton se Qiproja e kundërshton shpalljen e pavarësisë së Kosovës, duke u frikësuar se kjo do të legjitimonte shtetin e turqëve të Qipros në veri. Por, ministri i jashtëm bullgar, Ivailo Kalfin i hodhi poshtë këto pretendime. "Ne nuk shohim asnjë logjikë, e cila do ta lidhte statusin e Kosovës" me Qipron veriore, tha Kalfin. Ministri i Jashtëm i Rumanisë, Andrian Cioroianu tha se Kosova nuk paraqet precedent "për asnjë konflikt tjetër" dhe se këto çështje "janë krejtësisht të ndryshme".
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
