Që nga ora 7 e mëngjesit, në 23 komuna të Kosovës ku jeton komuniteti serb, janë hapur 277 vendvotime. Serbët e Kosovës i kanë dhënë votat e tyre për presidentin e ri të Serbisë, duke shpresuar se ato do të kenë ndikim në të ardhmen e tyre në Kosovë. Ndërkohë, liderët kosovar i kanë cilësuar këto si zgjedhje ilegale dhe të fundit që Serbia po i organizon në territorin e Kosovës. Ndërkaq administrata e UNMIK-ut është deklaruar se nuk i organizon por as nuk i pengon ata që duan të votojnë në këto zgjedhje.
