PRISHTINË

Kryeministri i Kosovës Hashim Thaçi ka deklaruar se deri në shpalljen e pavarësisë kanë mbetur vetëm disa hollësi dhe se ajo do bëhet pa asnjë dyshim. Pas takimit të rregullt të Qeverisë, Thaçi tha se Prishtina, Uashingtoni dhe Brukseli janë në fazën përfundimtare të finalizimit të statusit.
"Çështja e pavarësisë së Kosovës është punë e kryer", ka thënë Thaçi.
Qeveria e Kosovës ka ndarë 1 milionë euro nga buxheti për manifestimet me rastin e shpalljes së pavarësisë.