"Zbatimi i ligjit në Kosovë është sfiduar nga shumë aspekte, përfshirë dhe mungesën e kompetencave për vendorët", thotë ministrja e Shërbimeve Publike, Melihate Tërmkolli, e cila njëherit është edhe bashkëkryesuese e Grupit Punues për standardin mbi sundimin e ligjit. Në një intervistë për Radion "Evropa e Lirë", ajo thotë se gjatë vitit 2006, sfida kryesore për ministrinë që ajo drejton, do të jetë procesi i regjistrimit të popullsisë, ekonomive familjare dhe banesave.
