"Shtetet e Bashkuara do ta ndihmojnë programin e reformës zgjedhore në Kosovë", ka thënë sot Agjencia Amerikane për Zhvillim Ndërkombëtar. Ky program ka për qëllim që t'u ndihmojë autoriteteve vendore të marrin kontrollin mbi administrimin e zgjedhjeve, të cilat, deri më tani janë menaxhuar nga ndërkombëtarët. "Agjencia do të ofrojë asistencë teknike për bartjen e administratës zgjedhore nga institucionet ndërkombëtare tek ato vendore", thuhet në komunikatën e USAID-it.
