Këshilli i Sigurimit do të diskutojë pasditen e sotme zhvillimet në Kosovë dhe raportin e rregullt tre mujor të Sekretarit të Përgjithshëm të Kombeve të Bashkuara. Në takimin e Këshillit të Sigurimit do të raportojë dhe shefi i UNMIK-ut Soren Jessen Petersen. Në mbledhjen e rradhës të KS-së merr pjesë për herë të parë dhe kryeministri i Kosovës Bajram Kosumi.
Në takim Austria do të flasë në emër të Bashkimit Evropian.
Helfrid Carl, nga Misioni austriak në Kombet e Bashkuara në Nju Jork, konfirmoi ekskluzivisht për Radion Evropa e Lirë se në fjalimin e Austrisë në emër të BE-së do të çmohet zgjedhja e presidentit të Kosovës Fatmir Sejdiu, dhe procesi i qetë dhe i shpejtë që e shoqëroi këtë zgjedhje. Carl nga ana tjetër për Evropën e Lirë thotë se do të theksojnë në KS rëndësinë e përmbushjes së standardeve dhe do të nënvizojnë përparimin e bërë nga udhëheqësit kosovarë veçanërisht në standardin për të drejtën e pronës dhe ruajtjen e traditës kulturore e fetare. Nga ana tjetër në mbledhjen e Këshillit të Sigurimit Austria në emër të Bashkimit Evropian do kërkojë nga Beogradi që në vend të dekurajimit t'i nxisë serbët e Kosovës të marrin pjesë në jetën politike e institucionale.
Në takim Austria do të flasë në emër të Bashkimit Evropian.
Helfrid Carl, nga Misioni austriak në Kombet e Bashkuara në Nju Jork, konfirmoi ekskluzivisht për Radion Evropa e Lirë se në fjalimin e Austrisë në emër të BE-së do të çmohet zgjedhja e presidentit të Kosovës Fatmir Sejdiu, dhe procesi i qetë dhe i shpejtë që e shoqëroi këtë zgjedhje. Carl nga ana tjetër për Evropën e Lirë thotë se do të theksojnë në KS rëndësinë e përmbushjes së standardeve dhe do të nënvizojnë përparimin e bërë nga udhëheqësit kosovarë veçanërisht në standardin për të drejtën e pronës dhe ruajtjen e traditës kulturore e fetare. Nga ana tjetër në mbledhjen e Këshillit të Sigurimit Austria në emër të Bashkimit Evropian do kërkojë nga Beogradi që në vend të dekurajimit t'i nxisë serbët e Kosovës të marrin pjesë në jetën politike e institucionale.
