Policia e Irakut njoftoi se nga shpërthimi i një bombe sot në Bakuba janë vrarë së paku 12 vetë, tetë prej tyre ushtarë. Nga ky shpërthim u plagosën më se 20 të tjerë. Njëherësh, autoritetet kanë thënë se së paku 54 persona janë vrarë në Irak në incidente të ndara, nga dhuna që u nxitë prej shpërthimit të djeshëm në tempullin e shenjtë shiit në Samara të Irakut. Zyrtarët e Irakut sot kanë bërë të ditur se në jug të Bagdadit janë gjetur 40 trupa të pajetë. Në qytetin Basra janë vrarë së paku 25 vetë, ka kumtuar policia.