Ministrja e jashtme e Austrisë, Ursula Plasnik mbrëmë ka përshëndetur atmosferën konstruktive të rundit të parë të bisedimeve ndërmjet delegacionit të Kosovës dhe atij të Serbisë, që u mbajtën në Vjenë. Ajo në kumtesën e saj theksoi se "qëllimi i bisedimeve është që të gjenden zgjidhje praktike dhe të përhershme për bashkëjetesë të qetë të të gjithë popujve në Kosovë". Këto komente, zonja Plasnik i bëri pas mbledhjes së Ministrave të jashtëm të Bashkimit Evropian në Bruksel. Aktalisht Austria kryeson presidencën e radhës së BE-së.
