I dërguari i posaçëm i Kombeve të Bashkuara për statusin e Kosovës, Marti Ahtisari, është takuar sot në Beograd me zyrtarët më të lartë të Serbisë, presidentin Boris Tadiq, kryeministrin Vojisllav Koshtunica dhe ministrin e Jashtëm serbo-malazez, Vuk Drashkoviq. Zoti Ahtisari do të udhëtojë për në Prishtinë, ku gjithashtu do të takohet me zyrtarët më të lartë të Kosovës dhe përfaqësuesit e pakicës serbe.
