Presidenti amerikan, George Bush ka ripërtrirë edhe për një vit sanksionet sipas të cilave firmave dhe shtetasve të Shteteve të Bashkuara u ndalohet që të bëjnë marrëveshje tregtare me Iranin, përfshirë këtu edhe naftën. Në mesazhin dërguar Kongresit, presidenti Bush shpjegon se aksionet dhe politikat e qeverisë së Iranit janë në kundërshtim me ato të Shteteve të Bashkuara dhe paraqesin kërcënim të vazhdueshëm për sigurinë kombëtare, për politikën e jashtme dhe për ekonominë e Shteteve të Bashkuara.
