Kryenegociatori i Kombeve të Bashkuara për statusin e Kosovës Marti Ahtisari gjatë ditës së dytë të qëndrimit në Bruksel është takuar me autoritete të larta të unionit. "Procesi i negociatave do te vazhdojë sipas planit" -tha Ahtisari duke ju referuar çështjeve që lidhen me decetralizimin dhe krijimin e komunave të reja. "Vetëm më vonë, rreth muajit korrikut, mund të dilet me qëndrime lidhur me statusin, pas raportit që do të mbajë në Këshillimin e Sigurimit Soren Jessen Petersen mbi përmbushjen e standarteve në Kosovë"- vijoi me tej Ahtisari gjatë një konference të përbashkët për shtyp me shefin e diplomacisë evropiane Havier Solana, kryetarin e Komisionit Evropian Barroso dhe me eurokomisionerin për zgjerim Oli Rehn. Të tre këta e cilësuan zgjidhjen e statusit të Kosovës të rëndësishëm jo vetem për Kosovën por edhe më gjerë.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
