Anëtari i ekipit negociator të Serbisë, Marko Jakshiq dhe kryetari i Këshillit kombëtar serb për Mitrovicën, Nobojsha Joviq kanë deklaruar sot se ende nuk ka kushte për hyrje të serbëve në institucionet e Kosovës. Burime serbe nga Mitrovica raportojnë se ata, në takimin me të dërguarin e Shteteve të Bashkuara për statusin e Kosovës, Frank Wisner, kanë thënë se bashkëpunimi institucional ndërmjet pjesës veriore dhe jugore të Mitrovicës mund të bëhet vetëm nëse pjesa veriore e qytetit, që është me shumicë serbe, e fiton statusin e Komunës. Sipas fjalëve të Nebojsha Joviqit, zotit Wisner i është transmetuar mesazhi se çfarëdo forme e pavarësisë së Kosovës është në "kundërshtim me mundësinë e mbetjes së serbëve në Kosovë".
