Presidenti i Kosovës, Fatmir Sejdiu u është bashkuar serbëve në shënimin e pashkëve ortodoksë në manastirin e Deçanit. Ai deklaroi se "ka ardhur këtu pasi të gjithë qytetarët duhet të respektohen". Së bashku me të ishte edhe kryeadministratori i Kosovës, Soren Jessen Petersen. Zoti Sejdiu tha se "po demonstrojmë se jemi të gatshëm t'i mbrojmë të gjitha monumentet fetare dhe të gjitha kulturat në Kosovë".
