Në një audiokasetë, që u transmetua sot nga rrjeti televiziv Al–Jazeera, lideri i al–Kaidës, Osama Bin Laden tha se izolimi ndërkombëtar qeverisë palestineze të Hamasit është provë "e luftës së kryqëzuesve dhe sionistëve kundër islamit". Në këtë audiokasetë Bin Ladeni foli edhe për Irakun dhe Sudanin duke kërkuar mobilizimin e militantëve. Aktualisht nuk ka informata për vendndodhjen e Bin Ladenit, i cili akuzohet për sulmet terroriste të 11 shtatorit 2001 në Shtetet e Bashkuara.
