Nënsekretari amerikan i shtetit Nicholas Burns tha se pret që negociatat e vendeve evropiane me Iranin, lidhur me programin e tij bërthamor, të çojnë në një vendim që lejon vendosjen e sanksioneve, nëse Teherani nuk ndalon pasurimin e uraniumit. Deklarata e Burns vjen ndërsa pritet që përfaqësuesit e pesë vendeve anëtare të përhershme në Këshillin e Sigurimit të Kombeve të Bashkuara plus Gjermaninë, të diskutojnë në Paris krizën e programeve bërthamore të Iranit.
Por Burns tha gjithashtu se SHBA ende shpresojnë në një zgjidhje diplomatike të çështjes.
Shtetet e Bashkuara, Britania dhe Franca mbështesin masa më të ashpra ndaj Iranit në mënyrë që Teherani t'i japë fund pasurimit të uraniumit. Por Rusia dhe Kina nga ana tjetër kundërshtojnë masa të tilla. Ministri i jashtëm i Iranit ka deklaruar se Rusia dhe Kina e kanë informuar zyrtarisht, se nuk do mbështesin sanksionet apo ndërhyrjen ushtarake kundër Iranit.
Ndërkaq bëhet e ditur se një zyrtar ushtarak iranian ka paralajmëruar se Irani, do të vërë nën shënjestër fillimisht Izraelin, nëse sulmohet ushtarakisht nga SHBA.
Por Burns tha gjithashtu se SHBA ende shpresojnë në një zgjidhje diplomatike të çështjes.
Shtetet e Bashkuara, Britania dhe Franca mbështesin masa më të ashpra ndaj Iranit në mënyrë që Teherani t'i japë fund pasurimit të uraniumit. Por Rusia dhe Kina nga ana tjetër kundërshtojnë masa të tilla. Ministri i jashtëm i Iranit ka deklaruar se Rusia dhe Kina e kanë informuar zyrtarisht, se nuk do mbështesin sanksionet apo ndërhyrjen ushtarake kundër Iranit.
Ndërkaq bëhet e ditur se një zyrtar ushtarak iranian ka paralajmëruar se Irani, do të vërë nën shënjestër fillimisht Izraelin, nëse sulmohet ushtarakisht nga SHBA.
