Kina ka kërkuar kthimin e pesë myslimanëve kinezë, që janë liruar nga burgu amerikan Guantanamo Bej dhe janë dërguar në Shqipëri, ku kanë kërkuar azil. Në një konferencë për gazetarë, zëdhënësi i Ministrisë së jashtme të Kinës, Liu Jianchao tha se "veprimi nga Shtetet e Bashkuara dhe Shqipëria paraqet shkelje të fuqishme të së drejtës ndërkombëtare". Kërkesë të këtillë mbrëmë ka bërë edhe ambasadoeri kinez në Tiranë. Ministri i jashtëm i Besnik Mustafaj tha se "Shqipëria do ta trajtoj këtë çështje sipas ligjeve shqiptare dhe marrëvshjeve ndërkombëtare". Uashingtoni u lejoi pesë kinezëve që të shkojnë në Shqipëri pasi u konstatua se nuk paraqesin kërcënim për Shtetet e Bashkuara, por ka vlerësuar se nëse do të ktheheshin në Kinë, ata do të mund ti nënshtroheshin keqtrajtimit.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
