Në ishullin Java të Indonezisë sot kanë filluar të arrijnë ndihmat për të mbijetuarit e tërmetit shkatërrues, ndërsa ekipet e shpëtimit po vazhdojnë kërkimet për të mbijetuarit eventualë apo për trupat e pajetë, që mund të kenë mbetur nën gërmadha. Sipas autoriteteve, numri i të vdekurve nga tërmeti i së shtunës arriti në 5136 vetë, ndërsa më se 15 mijë kanë pësuar lëndime.
