Kryeministri i Kosovës, Agim Çeku niset sot për një vizitë në Lubjanë, ku pritet të takohet me zyrtarët më të lartë të Sllovenisë. Zoti Çeku nesër do të takohet me kryeministrin, Janez Jansha, me ministrin e jashtëm Dmitrij Rupel e me zyrtarë të tjerë. Arben Qirezi, këshilltar i kryeministrit Çeku, tha se temë e bisedimeve do të jenë marrëdhëniet dypalëshe, procesi i negociatave për status dhe bashkëpunimi ekonomik ndërmjet Kosovës e Sllovenisë.
