Presidenti amerikan, George Bush ka akuzuar Iranin dhe Sirinë për "inspirim" të sulmeve të Hizbollahut kundër Izraelit. "Çdokujt i vie keq për humbjen e jetës së pafajshme. Në anën tjetër, ajo që po e shohim është se shkaku kryesor i problemit është Hizbollahu. Kjo çështje duhet të diskutohet në nivel ndërkombëtar dhe t'i bëhet e qartë Sirisë se ata duhet ta ndalin mbështetjen e tyre për Hizbollahun. Mua më duket se Siria po përpiqet ta kthej kontrollin ndaj Libanit", tha presidenti Bush. Ai shfaqi besimin se aleati i Shteteve të Bashkuara, Izraeli po vepronte në vetëmbrojtje, por kërkoi nga Izraeli që t'u shmanget aksioneve që mund të shkaktojnë shkatërrimin e qeverisë së Libanit.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
