Ndërlidhjet

JERUSALEM


Aeroplanët izraelitë kanë goditur shtyllat e linjave telefonike dhe transmetuesve televizivë në jug të Libanit.
Izraeli po vazhdon me pushtimin e kufizuar në pjesën më të madhe të jugut të Libanit. Mijëra ushtarë dhe rezervistë izraelitë janë grumbulluar në kufi me Libanin. Ndërkaq mijëra civilë libanezë janë larguar nga zona. Po sot militantët e Hezbollahut kanë gjuajtur më shumë se 65 raketa në qytetet në veri të Izraelit. Zëdhënësi i qeverisë izraelite, Avi Pazner ka folur për sulmet e fundit të Hezbollahut:
"Po dëgjojmë sirenat, që lajmërojnë një tjetër sulm në Haifa. Hezbullahu, si vegël e Iranit po përpiqet të bëjë ç'është e mundur që të shkatërrojë jetën në Izrael dhe të shkaktojë vuajtje për popullin e Izraelit dhe Libanit. Ne pa u lodhur do punojmë për shkatërrimin e kësaj organizate vrasëse."
XS
SM
MD
LG