Zyrtarë të sigurisë në Pakistan thonë se ata kanë dëshmi se një operativist i al-Kaidës, që kishte planifikuar komplotin terrorist në Londër, po fshihet në lindje të Afganistanit. Zyrtarët kanë thënë se këtë informacion e kanë marrë nga i arrestuari në Pakistan, Rashid Rauf, që konsiderohet si i dyshuari kryesor për komplotin në Londër. Këshilltari i lartë i qeverisë së Afganistanit, Daud Muraduiaan ka hedhur poshtë këto pohime duke thënë se "Afganistani më nuk është vend i sigurtë për al-Kaidën". Më 10 gusht Britania ka arrestuar 24 vetë, të dyshuar se kishin planifikuar shpërthime në aeroplanat e udhëtarëve që fluturonin nga Londra për në Shtetet e Bashkuara.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
