Ish presidenti amerikan Bill Klinton feston sot 60 vjetorin në prani të familjes dhe miqve. Atij, para disa ditësh në Toronto të Kanadasë nga pjesmarrësit e Konferencës Ndërkombëtare për Parandalimin e HIV AIDS-it iu urua ditëlindja. Me atë rast Klinton deklaroi se nuk i pëlqen të jetë i vjetër. Bill Klinton ishte 46 vjeç kur u zgjodh president i Shteteve të Bashkuara për herë të parë në vitin 1992, post nga i cili u largua në fund të mandatit të dytë në vitin 2001. Organizuar nga Shoqata " Miqtë e Amerikës, miqtë e Bill Klintonit" ditëlindja e ish presidentit amerikan u shënua edhe në Prishtinë.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.