Përfaqësues të vendeve të Grupit të Kontaktit në Prishtinë janë shprehur të dëshpëruar që Kuvendi i Kosovës dje nuk e miratoi amandamentin për Ligjin për përdorimin e gjuhëve, që parasheh edhe përdorimin zyrtar të gjuhës turke në Komunën e Prizrenit, së bashku me gjuhën shqipe dhe atë serbe. Në kumtesë është theksuar se "sigurimi i përmirësimit të të drejtave të bashkësive etnike në Kosovë, do të jetë një faktor vendimtar në përcaktimin e statusit final të Kosovës".
