Pakistan: U përkujtua boksieri Muhammad Ali

Banorët në Karaçi të Pakistanit, kanë mbajtur një moment të heshtjes në përkujtim të legjendës së boksit amerikan dha atij botëror, Muhammad Ali, i cili vdiq javën e kaluar në Shtetet e Bashkuara, në moshën 74 vjeçare. Pjesëmarrësit në këtë ceremoni, po ashtu, kanë cituar shprehje nga Kurani, në nderim të Muhammad Aliut, i cili ishte konvertuar në fenë islame. Kjo ceremoni është mbajtur dje në lagjen e varfër Lijari të Karaçit, ku sporti i boksit është i popullarizuar. Anëtarët e klubit të boksit thanë se Muhammad Ali e kishte vizituar Karaçin në vitet e 80-ta, dhe kjo vizitë i kishte inspiruar shumë të rinjë lokalë që të merren me këtë sport.