Në gusht të vitit 2014, Rusia njoftoi për ndalimin e importit të artikujve ushqimor nga jashtë, për të ndëshkuar Perëndimin për sanksionet e vendosura në raport me Ukrainën. Që prej atëherë, shteti rus është në betejë për të mbushur raftet e zbrazura të dyqaneve me prodhime alternative vendore, për të zëvendësuar jogurtin finlandez, djathin holandez dhe mozzarellan italiane. Sergei Chernov, gazetar dhe fotograf nga Shën Peterburgu, sjell këto pamje të dyqaneve në Rusi.
Tregu "patriotik" në Rusi
1
Disa prodhime vendore duket se janë ambalazhuar duke pasur konsumatorin patriotik në mendje, siç është për shembull Gjalpi Krimean, i stolisur me shirit të zi dhe portokalli, që simbolizon shenjën e separatistëve pro-rus në Ukrainë.
2
Edhe një prodhim tjetër patriotik, djathi i shkrirë Kremlyovskoye, marrë nga emri Kremlin.
3
Omichka, është një ëmbëlsirë me djath, e cila mund t’i josh nostalgjikët e periudhës sovjetike, atëherë kur edhe ekzistonte një djath i përpunuar me të njejtin emër.
4
Prodhuesit vendor janë përpjekur që artikujt e tyre të duken të paktën si të importuara. “Fior di latte mozzarella” në fakt podhohet në Rusi dhe konsumatorët thanë që nuk e ka fare shijen e mozzarellas së vërtetë.
