Presidenti amerikan, George Bush është pajtuar që Pakistanit, në shenjë të mirënjohjes për mbështetje në luftën kundër terrorizmit, ti shiten aeroplanët luftarakë, F-16. Zyrtarë të administatës amerikane kanë thënë se këta aeroplanë janë shumë të rëndësishëm për sigurinë e Pakistanit. Pakistani e mirëpriti këtë vendim të Uashingtonit, por India e kritikoi këtë zhvillim. Kryeministri i Indisë, Manmohan Singh tha sot se ky vendim mund të ketë "konsekuenca negative për sigurinë e Indisë".
