Kosova ka hyrë në një fazë kritike të diskutimeve për standardet në ecjen e saj drejt statusit përfundimtar ka deklaruar sot në Prishtinë, shefi i zyrës amerikane në Prishtinë Philip Goldberg. Në takimin me kryeministrin e Kosovës Bajram Kosumi, ai ofroi mbështetjen e zyrës së tij dhe të qeverisë amerikane për të shkuar përpara. Kryeministri Kosumi ndërkaq tha se vlerësimi pozitiv politik i standardeve do të jetë i rëndësishëm edhe për shkallën e demokracisë në Kosovë.
