Nga një sulm vetëvrasës me bombë sot në qytetin Arbil të Irakut u vranë së paku 60 vetë dhe shumë të tjerë janë plagosur, ka kumtuar ushtria amerikane. Sulmi ndodhi në momentin kur njerëzit po tuboheshin në një qendër të rekrutimit të policëve. Në Bagdad, në dy sulme të ndara, janë vrarë dy ushtarë amerikanë, ka kumtuar sot ushtria e Shteteve të Bashkuara. Këto sulme kishin ndodhur dje.
