Presidenti i Irakut, Jalal Talabani, ka akuzuar disa vende arabe se po i ndihmojnë terroristët në Irak, ndonëse publikisht ato po e dënojnë terrorizmin. Në një intervistë për mediat jordaneze, Talabani, tha se këto vende po i mbështesin terroristët, me ndihma materiale, trajnime dhe përkrahje mediale. Ai nuk i ka përmendur emrat e këtyre vendeve, por e ka përjashtuar Jordaninë, Arabinë Saudite, Kuvajtin dhe Iranin.
