Afro 150 njerëz kanë protestuar sot në qytetin lindor Andijan, duke kërkuar që autoritetet e Uzbekistanit të japin informacione lidhur me të afërmit e tyre, që janë zhdukur prej trazirave të përgjakshme të javës së kaluar. Autoritetet thonë se gjatë trazirave janë vrarë 169 vetë, përfshirë këtu edhe 32 pjesëtarë të forcave qeveritare. Por, disa organizata të jashtme dhe vendëse për të drejtat e njeriut thonë se numri i të vrarëve mund të jetë deri në 1 mijë.
