Udhëheqësi i qendrës koordinuese të Serbisë për Kosovën, Nebojsha Çoviq, në një letër dërguar kryeadministratorit të Kosovës, Soren Jessen-Petersen, ka shprehur vërejtjet e tij për decentralizimin në Kosovë. Në këtë letër, zoti Çoviq shkruan se me nënshkrimin e urdhërit për pilot projektet, nga ana e zotit Petersen, janë rrezikuar interesat e serbëve të Kosovës dhe për këtë arsye ai e ftoi kryeadministratorin e Kosovës që të takohen dhe ti zgjidhin problemet lidhur me fillimin e decentralizimit.
