Presidenti i Kosovës, Dr. Ibrahim Rugova, ka përgëzuar sot qytetarët e Kosovës në 14 vjetorin e mbajtjes së Referendumit për Pavarësinë e Kosovës. Në përgëzimin e presidentit thuhet se dita e 26 shtatorit të vitit 1991 do të mbetet në historinë më të re të Kosovës si një prej ditëve më të mëdha, sepse e konfirmoi vullnetin politik të popullit dhe të qytetarëve për pavarësinë e Kosovës.
