Shefi I Misionit të Kombeve të Bashkuara në Kosovë, Soren Jessen Petersen, ka udhëtuar sot për në Holandë për t’u takuar me kryeprokuroren e Tribunalit Ndërkombëtar për Krime Lufte në Ish Jugosllavi, Carla Del Ponte. Në një komunikatë të lëshuar nga UNMIK-u thuhet se zoti Jessen-Petersen nesër do të udhëtojë për në Bruksel, ku fillimisht do të takohet me sekretarin e përgjithshëm të NATO-s, Jaap de Hoop Scheffer, ndërkaq më vonë do të bëjë edhe një paraqitje përpara Këshillit veriatlantik mbi zhvillimet e fundit në Kosovë. Në fund të javës ai do të qëndrojë edhe në Strasbug për t’u takuar me përfaqësuesit e Këshillit të Evropës për të diskutuar vec tjerash edhe cështjen e decentralizimit të pushtetit vendor në Kosovë.
