Parlamenti i Hungarisë sot e ka ratifikuar Kushtetutën e Bashkimit Evropian. Për këtë vendim votuan 322 deputetë ndërsa 12 votuan kundër. Hungaria është vendi i dytë që e ratifikoi Kushtetutën e BE-së. Më herët këtë e bëri Lituania. Është planifikuar që kushtetuta e Bashkimit Evropian të bëhet e plotfuqishme më 1 nëntor të vitit 2006. Por, për tu bërë kjo kërkohet që të gjitha vendet anëtare ta ratifikojnë atë.
