Kryeministri i Kosovës, Bajram Rexhepi ka thënë sot, pas një takimi të rregullt të Qeverisë, se mospajtimet brenda spektrit politik dhe institucioneve të Kosovës, lidhur me bisedimet teknike me Beogradin, nuk janë aq serioze sa t'i rrezikojnë institucionet dhe të nxisin ofrimin e dorëheqjes së tij nga posti i kryeminsitrit. Ai mëtutje ka thënë se pas takimit me kryeadministratorin e Kosovës, Harri Holkeri, do të vendoset rreth hapave që do të ndërmerren pas Vjenës.
