Kryeministri i Kosovës, Bajram Rexhepi u ka uruar sot myftiut Naim Tërnava dhe të gjithë besimtarëve të fesë myslimane, muajin e Ramazanit. Në kumtesën e nënshkruar nga Bajram Rexhepi thuhet se "ftojmë që gjatë këtij muaji të ndihmohen të varfërit dhe të bëhen lutje për paqe, mirëkuptim dhe tolerancë ndërmjet të gjithë njerëzve në Kosovë dhe në botë". Muajin e Ramazanit besimtarëve u kanë uruar edhe shefja e zysrës amerikane, Mersi Ris dhe lideri i Aleancës për ardhmërinë e Kosovës, Ramush Haradinaj.
