Policia serbe e Bosnjes ka përdorur gazin lotsjellës për të shpërndarë turmat e demonstruesve që me parrulla anti-boshnjake dhe himne nacionaliste, po përpiqeshin sot të ndalonin punimet për rindërtimin e një xhamie të shekullit të 16 në Banja LLukë, të shkatërruar gjatë luftës së viteve ‘92-’95. Boshnjakët dhe përfaqësuesit ndërkombëtarë në Bosnje, patën kritikuar autoritetet serbe të Bosnjes se ishin treguar të paafta të ndalonin protestat e dhunshme që shoqëruan fillimin e rindërtimit të xhamisë, në muajin maj.
