Parlamenti i Maqedonisë ka shtyrë diskutimet rreth propozimit për mbajtjen e një referendumi mbi ndryshimet kushtetuese ndërsa Sekretari i Pargjithshëm i NATO-s, lordi George Robertson, pritet të vizitojë nesër kryeqytetin. Qëllimi i vizitës së tij mësohet të jetë zbutja e ngurrimit të autoriteteve të atjeshme për një forcë ndërkombëtare të sigurisë që mund të drejtohet nga NATO-ja si dhe përshpejtimi i procedurave për kalimin në parlament të amnestisë për guerrilasit shqiptarë dhe miratimin e amendamenteve kushtetuese në parim.
