Në Bagram ka arritur edhe kryeministri britanik, Toni Bler, duke shënuar kështu vizitën e parë të një kreu qeverie në këtë vend, pas rënies së regjimit taliban. Gjatë një konference të mëhershme për shtyp në Islamabad, Bler vlerësoi se koalicioni ndërkombëtar kundër terrorizmit ka arritur më tepër nga ç’pritej. Por kryeministri britanik theksoi se kanë mbetur ende mjaft sfida, mes të cilave përmendi rindërtimin e Afganistanit.
